محليات
الاعلامي ربيع فريد : ينفع مستشفي جامعة شبين اجهزتها تكون معطلة
يعنى ايه مستشفى كبيرة وعريقه زى مستشفى الجامعة بشبين الكوم يكون فيها أجهزة مهمه عطلانه لأ وكمان من اسبوع طيب ازاى وياترى عدم الإصلاح ده من أيه
# هل تم التبليغ بالعطل ؟
# هل تمت متابعة قسم الصيانه الطبيه لهذا العطل لإصلاحه ؟
# ما هي المده الزمنيه لإصلاح الأعطال بالمستشفى ؟
# ومن المسؤول عن متابعة أعطال الأجهزة ؟
والمفاجأة الكبرى عند سؤال الموظفه المسؤوله عن حجز عمل مجال الابصار قالت الجهاز عطلان ومقدرش احجز حالات لانى مش عارفه الجهاز هيتصلح امتى وقالت كمان اللى عايز يتابع يبقى كل فتره يتصل على الرقم الموجود على الورقة
وأكبر مفاجأة إن النهارده كان المحافظ ورئيس الجامعة فى زيارة للمستشفى وكل تركيز إدارة الجامعة والمستشفى هى ازاى الزيارة دى تعدى على خير بدون ملحوظه وطبعاً كالعادة الأمن شغله الأول والأخير هو تهيئة الجو وإخلاء المستشفى من الناس وبس طيب بالنسبة للخدمات أخبارها ايه
وفين متابعة المسؤولين
الحقيقة كل الاسئله اللى فوق دى محتاجه اجابه
