قال الباحث الزراعي محمود كمال – أحد المشاركين في الدفعة الثالثة من برنامج سفراء المياة “فخور جدًا بمشاركتي في البرنامج التدريبي سفراء المياه – الدفعة الثالثة، اللي نظمته وزارة الموارد المائية والري بالتعاون مع كيان “مهندسون من أجل مصر المستدامة” الحقيقة، البرنامج ده مش مجرد تدريب، ده تجربة وعي ومسؤولية وإنسانية.
اتعلمت فيه إن أخلاقيات استخدام المياه مش بس قواعد بنسمعها، لكن ضمير لازم يبقى صاحي دايمًا، سواء وإنت في بيتك، أو في أرضك، أو حتى وإنت بتشرح للناس كل نقطة ميّة ليها تمن، وليها حق عليناأنا مؤمن إن دورنا كسفراء ميّة يبدأ من التوعية البسيطة، بالكلمة، بالمثال، بالسلوك. لازم نوصّل رسالة إن المياه مش مورد مضمون.. لكنها أمانة لازم نحافظ عليها وده مش دور الحكومة لوحدها، ده دور كل مواطن عنده ضمير بيحب بلده وبصفتي باحث زراعي، ناوي أكون حلقة وصل حقيقية بين العلم، والمزارع، والمجتمع وهبدأ بنفسي، وبدواير الناس القريبة مني وأتمنى إن كل شاب مصري يبقى سفير ميّاة، حتى لو مكانش في برنامج، لكن في حياته اليومية.”
